القصيدة التي ألقاها امس الشاعر ابو احمد بن ناجي ( ابو ثورة ) في القاعة في حفل استقبال عيدروس الزبيدي

عدن الخبر

ثقافة وادب

صحيفة ((عدن الخبر)) كتب الشاعر أبو ثورة :

حيابكم لا شي مهاري وافيه
اما وعود النوود ما تبعد بحد

الشعب قد مل الوعود الواهيه
لا ..تكلفونه ينقلب فيما وعد

اما وشلوا .. حملكم. واتكلفوا
والا تنحوا.. من مقاليد البلد

كمل علينا العمر واحنا لنتظر
لا دي وليده جت ولا جانا ولد
.
خلوا محبتكم تضلي باااقيه
شوفوا دواء للعين دي فيها الرمد
.
المسألة حرفين لا جت صادقة
قد قال لول من يبا الصافي ورد

الشعب معكم والرجال الصادقة
و الجيش جاهز والمعده والعدد

ذيعوا بيان النصر من بندر عدن
وعقبها. لا اهتدت. الدنيا. تهد

لا ما تجرأتوا وقلتوا. ..قولكم
بيرجعوا عفاش والا. ابنه حمد

نعم تعانون الضغوط المجحفه
لكنها زادت ..وزلت. كل. حد

من مد لي بالطول يبشر بالوفاء
ومن سبق بالسبت بايلقى الاحد

ما حكم لستعباد مانا حولكم
انا جنوبي حر. ما نا عبد حد

والختم صلوا عالنبي يامن حضر
مايثبت الثابت. وما الشارد شرد