أعلان 300×250

حكايات عدنية… خاله خدوج سياره الواجب بلحافه

عدن الخبر

منوعات

صحيفة ((عدن الخبر)) كتب محمد بدحيل _ إعلام عدن الخبر :

من مننا مايعرفش خاله خدوج ولا قصص ومسامير خاله خدوج لو دقت لك مسمار حرام تشوف امك عروسه واتحداك تدري ايش وكيف وليش!!؟
محد عاده يلبس شيذر الا هي وجالسه مقنبره قبال طاقتهم ماتبانش بس كلنا عارفين انها تتفرج وتراقب بصمت (زي القناص😂) ولوفي ابسط حاجه تقفز قفز زي الشلن تتطابز … ترجع الحنقانات لازواجهم وتزعل الي ماتحنقش من زوجها وعندها كلمه السر حق @الجميع تشتي سلف باتسلفك بس ياويلك لو تاخرت … تشتي صاحب الدكان يفتح لك حساب لازم موافقتها وتزكيك وتشهد لك … تشتي تتزوج من بنات الحافه لازم ترضى عليك وياويلك وسواد ليلك لو مخاصماك … حتى زوجها مايقدرش عليها تلاقيه مخزن بركن الحافه على حبه بردين هارب من النكد والبقبقه حقه وياويله لو حاول يسوي نفسه تيس … القات ذي الايام غالي قلت بادق ريدي معها وباتسلف ورحت شرحت له الظروف وقلت له خرمان اخزن زي البشر وهي ماقصرت اول مارحت السوق لقيتها تتصل بالحرمه تقوله أننا اتسلف حق القات يوميا واتشحوت من النسوان وأننا بلارحمه حتى العجيز حق الحافه اضحك عليهم … ولما دخلت البيت حسيت أن في حد أشعل فتيل قنبله وباتقرح وافتهمت لي اللعبه وعلى طول خرجت الفلوس الي شليتها منها واعطيته لزوجتي وقلت له هذه الفلوس شليته من خاله خدوج قلت له اشتي اخزن استحيت أقوله أننا اشتي فلوس علشان زوجتي الحلوه ..اذا انتي محتاجه والا رجعيها …
قليل وشفت صورة زوجتي اتغير وبدأت تفك النكد وعرفت خطورة خدوج وحجم التورط الذي كانت سوف تسببه ..
واجت العصر للبيت تشوف الآثار حق الانفجار الذي جهزته كنت مخزن قاتي اللمس وغطيته علشان ماتشوفوش وشفت القهر بعيونه وزوجتي ترجع له الفلوس مع قلبه صورة وخرجت سكته..
مسامير خدوج مالها الا مساميري

قد يعجبك ايضا