قصيدة لـ الشيخ علي حسين البجيري موجهة للشيخ/ عوض بن محمد الوزير العولقي محافظ محافظة شبوة ☘️☘️☘️☘️☘️☘️☘️☘️☘️
عدن الخبر
ثقافة وادب
صحيفة ((عدن الخبر)) كتبها الشيخ علي حسين البجيري :
قولو لسلطان العوالق ينتبه
تتقدم الجماء على امات القرون
من واجبه يحذر وعاده في نسم
من قبل ما الصابه تقع بين العيون
حاذر ترى الذرة تباء راس الوعل
من قبل تندم والقبائل يندمون
كلن يصالح صاحبه قبل الندم
وقبل ما يقع ياغبوني بالغبون
من باع خوته لجل يرضي الاجنبي
يتحمل الثارات بكرة والديون
العقل زينة يا حفيد السلطنة
ذي ماحسبها صح بايصبح بدون
من هان خوته ياعوض باينكسر
باتنقلب ضده وبكره بايهون
البرق يبرق والسحابة ثورت
بايبكي اهل الفيد ذي هم يضحكون
وانته سليل السلطنة وانت الامل
ان تجمع الامة ولايتفرقون
لاتتركو شبوة فريسة للسرق
اما تكون اليوم ولا لاتكون
مافيك شك اليوم ياشبل الاسد
والناس لازالو بكم يتأملون
هذه نصيحة وانت تعرف كل شيء
ماحد يعلم ناس قدهم يعلمون
شبوة عزيزة تعتبر ساس الدول
والارث يشهد والاجانب يشهدون
احذر من اهل الكذب واهل المصلحة
ذي لاحميت كلهم بايهربون
المصلحي ماقصده الا وجبته
يطبل وبعده ناس مثله يصفقون
احذر من الكذاب حتى لاحلف
ذي كل ساعة ينقلب عندك بلون
الارض مثل العرض وانته سيدها
ماضن مثلك للسيادة بايخون
شبوة هي الراس الرفيع المعتلي
والخير والثروة وهي الام الحنون
حامو على شبوة فهي المستهدفة
لاتتركوها للقرود المجرمون
قرود لاترحم ولافيها ثقة
اهل العمالة والخيانة والسجون
وهم دعات العنصرية والفتن
لايستفيدو بل ولايتعلمون
لصوص من ارخص معادن في البشر
لاتنسجم معهم ولايتعاشرون
قد دمرو ارض الجنوب المحزنة
من يوم غادرها المقدم شنبيون
امة بلا مبداء ولافيهم قيم
واحد يعمرها وتسعة يهدمون
قولو لباقردان يكفي لاهنا
خاب الامل فيكم وخيبتو الضنون
ياما نصحناكم ولكن للاسف
فيكم غباء زايد وفيكم مفسدون
واليوم حق الحق والباطل زهق
يكفي كفى اعوام وانتو تلعبون
عودو قراكم ياقليلين الادب
شبوة وابين فوق ماتتصورون
نحنا درسناكم دراسة كاملة
لاتعرفو دولة ولا باتعرفون
رفع الشعارات المملة حقكم
والعنجهية والخطب في المكرفون
انتهت
☘️☘️☘️☘️☘️☘️☘️☘️☘️☘️