*#مساجلة_شعرية// لـ الشاعرين الكبيرين يسلم بن علي باسعيد وحسين ابوبكر المحضار رحمهما الله*
صحـيفة ((عـدن الخــبر)) خــاص
المحضار
باعوا المال اهل شبوة وباعوا سبوله
والصريمه شرب له كأس سكر وليمون
يسلم
صاحبك سار في الرحلة وخلا ذلوله
راح من بعد ماباع المكلا وسيؤن
يسلم //
حمل جمال قدها ضاريه ع الحموله //
لاتجيبون لي حشوان والهيج مرصون //
شفت سيدي شفت المرض في رجوله ///
خاف عاد المرض يطلع ع العين والنون —
المحضار —
ذا خرج فصل شفت البحر عرضه وطوله //
والسنابيق وقفها ع بحر ميون /
صاحب القفل يابوفضل ضيع قفوله //
لاتنكد علي خل الجماعه يغنون —-
يسلم —
ليش باعارمه مابا يخلي فضوله //
من صحابك معد واحد نفع بن حسينون //
شلو الحب ذي ماكن معه في سفوله ///
باعو المال وانا حسبت المال مرهون //
المحضار —
باعو المال أهل شبوه وباعو سبوله ///
والصريمه شرب له كاس سكر وليمون //
كل من مال ياشاعر عرفنا ميوله //
ضاع عمري ونا مابين صاحي ومجنون —–
يسلم —-
عارف اللغز ذي قلته وعندي حلوله //
لاتنكد علي والا شف السيف مسنون //
صاحبك سار في الرحله وخلئ ذلوله //
راح من بعد ماباع المكلا وسيئون —
المحضار —
مامعك مال بازرعه ولابن فضوله //
لاتبيحون سري خلو السر مكنون //
ليش ملقي لنا في الدار صوله وضوله //
شل لك وضوء شفهم في المساجد يصلون —-
يسلم —
كلم الصيرفي قل له بغينا عموله //
ذي نهب مال باغبره ثلاثين مليون //
وين عادك مكان الزرع زاحي وخوله //
صاحبي حي ذي قلتوا في القبر مدفون —–