محمد بدحــيل يكتب.. *مذكرات شيبة في شارع الحب*
صحـيفة ((عـدن الخــبر)) كــتابات
قلت اليوم بخرج اتمشي زي زمان وحلقت ولبست ثياب العيد المخبأه للعيد الواجي وحلقت ذقني وتهندمت ورحت شارع الحب اتفرج على الناس لي سنوات مااروح فيبي خرمه ولقيت الناس زحمه والنسوان كأن مافيش حرمه في بيتها والصبايا حاجه تخليك تكتب قصائد فيهن وجلست في مقهايه وقلت بكتب قصيدة عن جميله خدرت بي شفتها تبايع على عطر ولما بدأت تذكرت حياتي وواقعنا وخصوصا وانا خارج والحرمه تقولي اوبه تروح بالدقيق ورز وسكر وجزع خضرة وصيد وانسدت نفسي وهجعت وقرعت الشيطان وتذكرت وانا داخل البيت والحرمه جنب الباب مراعيه رجل على رجل وتزعق عليك وطارت الحليله ☹️
استغربت على الناس تشتري وحاملين اكياس وتباتيك من فين يغرفوا الفلوس وركزت على محل ذهب فيبه بنت مع امها يختاروا ذهب ورجعت لي الحليله قلت باعبر وبنسى النكد والجهال وباقتحم عالم خيالي اعيش فيه لحظات وبدأت اكتب وتوقفت تذكرت بنتي وانا خارج تقولي ياابه مافيش معي حاجه للمدارس ولاشنطه ولادفتر ولاجزمه وكأنها رفعت الهاندبريك واستوب راح شيطاني ورجعت لحياتي وقمت باروح بلاوجع قلب وسمعت المباشر يلحقني يقولي الحساب ياحاج تشتي تفحط واستحيت قال لي:ألف ريال وصحت عليه ليش قال ٢شاهي وسندتش وليم ودفعت له الي بجيبي حق الروتي وروحت ماقدرت ادخل للبيت بلاروتي بياكلونا الجهال يشتوا عشاء …المهم انا الآن بالحوش جعثناالنامس جعث مراعي لما يرقدوا وبصباح بيحلها ألف حلال
?ملحوظةالصورةتحت? اخر صورةلي في الحوش قبل الالتحام المباشر☹️? دعواتكم?
اذا فقدتوني غريمي معروف?
#المرحوم_محمدبدحيل?